waxaan halkaan idiinku soo gudbinayaa maanso aan ugu talagalay abwaankii weynaa ee C/qaadir Xirsi Siyaad Yam-yam, maansadu waxay tilmaamaysaa in qof weyn lawaayay, uuna yahay qofkaasi mid siguud loowada dareemay faaruqiisa, waxaa kale oo ay maansadu iftiiminaysaa sida ay ukala duwanaayeen isaga iyo maansoyahano badan oo waddanku leeyahay, ugu dambayntiina waxaan ilaahay weydiistay inuu jannadiisii geeyo

una naxariisto, maansadiina waa sidan:-

 

Daartii Janada

 

Ø      Dayaxbaa madoobaaday

Ø      Daalacan shamsadi muuqa

Ø      Wuu damay iftiinkeedi

Ø      Damalbaa karuqay meesha

Ø      Deyrbaa banaanaaday

Ø      Hal abuurka duubkiisi

Ø      Daqar weyn ayaa gaaray

Ø      Dacatiyo dhibow derisa

Ø      Suugaanti degelkayga

 

*****

Ø      Halyey doora baan weynay

Ø      Difaacii wadaniyiinta

Ø      Ciidbaan kusoo duugnay

Ø      Yamyam dunida guudkeeda

Ø      Wuuka laabtay derintiisa

Ø      Daar kaluu usii dhoofay

Ø      Uu dhab yahay degaankeedu

Ø      Duugiisi taariikhda

Ø      Diwaankiisa aan eegno

Ø      Diradire qabiil sheega

Ø      Kudanayste suugaanle

Ø      Hadba duul ammaanaaya

Ø      Dirham raadis lacag doona

Ø      Darajiyo xil goobaaga

Ø      Danta guud an eegaynin

Ø      Dufan raaca laaluushku

Ø      Uuka keeno darar xooggan

Ø      Durqubaan unacamlaynta

Ø      Hadba duul uliicaaya

Ø      Dirqin iyo cabsi uyeele

Ø      Wuxuu nacay damiirkiisu

Ø      Daafece qabiilkiisa

Ø      Kan kalana duqaynaaya

Ø      Shacab uma damqadayaasha

Ø      Noloshood andoonaynin

Ø      Kan dalkale intuu aado

Ø      Degaankiisa soocaaya

Ø      Intaas oo damiirlaawe

Ø      Ka duwanoo midkani maaha

Ø      Danyaraha miciinkiisa

Ø      Daabbad aan caroonaynin

Ø      Haddii lagu dakaynaayo

Ø      Digniin bixiye saadaashe

Ø      Khatar dibudhac keenaysa

Ø      Doorkii heshiisiinta

Ø      Uu kaqaatay degelkeenna

Ø      Qof diimoon miyaa jooga

Ø      Dawladnimada jeerkeedi

Ø      Dal-dalooladii muuqda

Ø      Daabacaadda suugaanta

Ø      Daqaruu kugaarsiiyay

Ø      Diid inuu kasiijeesto

Ø      Khaladkii durba umuuqda

Ø      Inuu daaya dhihi waayo

Ø      Sheekh duuble weeyaane

Ø      Diin jacaylka dhiniciisa

Ø      Daain iyo ammaantiisa

Ø      Daaha nebi jacaylkiisa

Ø      Intuu maanso ugu deexday

Ø      Diwaankiisa jeedaasha

Ø      Allow daain sharaftaadu

Ø      Aday tahay maduugowdo

Ø      Naxariis dul iyo hoosa

Ø      Janno lagu dalxiisaayo

Ø      Dabaqyada xariiraysan

Ø      Wabiyada durdura meesha

Ø      Xuuralciinta dahabkaahe

Ø      Naftu dooni muuqooda

Ø      Kaad ladamacdo siintooda

Ø      Adaan cidi kudiidayne

Ø      Yamyam daar jannaad seexi.

 

Aaaaaaaaamiiiiiiiiiiiiiiiiiiiin.

 

Curiye:- Xasan Bulxan Cali

Bulxan105@hotmail.com

Caabudwaaq Soomaaliya

 

 

  Ku noqo Page-ka